یەکێتی ژوورەکانی بازرگانی و پیشەسازی

هەرێمی کوردستان / ‌عێراق

هەواڵ

سەرۆكی یەكێتی ژوورەكان پێشوازی لە شاندێكی شانشینی عەرەبی سعودیە كرد

سەرۆكی یەكێتی ژوورەكان پێشوازی لە شاندێكی شانشینی عەرەبی سعودیە كرد

‎ ‎رێكەوتی ٢٠/٣/٢٠١٩ دكتۆر دارا جەلیل ‎خەیات سەرۆکی یەكێتی ژوورەكانی بازرگانی وپیشەسازی هەرێمی كوردستان پێشوازی كرد لە شاندێكی باڵای دەستەی پەرەپێدانی هەناردەی شانشینی عەرەبی سعودیە كە پێكهاتبوون لە فراس بن احمد الحميدي بەرێوەبەری گشتی بەبازاركردنی هەناردە و عمر بن ناصر الراجح راوێژكار لە دەستەی پەرەپێدانی هەناردەی شانشینی عەرەبی سعودیە ، لە دیدارەكەدا باسیان لە بەشداری كۆمپانیاكانی شانشینی عەرەبی سعودیە كرد كە بڕیارە بەشداری بكەن لە پیشانگای هەولێری نێودەوڵەتی بۆ بیناسازی لە مانگی نیسانی داهاتوو كە لە ٣٣ كۆمپانیای گەورە پێكدێ، هەروەها دكتۆر دارا جەلیل خەیات لە گفتۆگۆكردن لەگەڵ شاندی میوان پێشنیاری كرد كە كۆمپانیاكانی شانشینی عەرەبی سعودیە پیشانگایەكی تایبەت بە بەرهەمەكانی سعودیە بكەنەوە، لە بەرامبەر دا سوپاسی سەرۆكی یەكێتی ژوورەكانی بازرگانیان كرد بۆ ئەم پێشوازیە گەرمە و هیوایان خواست پەیوەندیەكانی نێوان هەردوولا پتەوتربێت.