یەکێتی ژوورەکانی بازرگانی و پیشەسازی

هەرێمی کوردستان / ‌عێراق

دەربارە

دەربارەی ئێمە

 

گرنگی‌ راگه‌یاندن له‌سه‌رده‌می‌ ئێستادا هێنده‌ له‌پێش چاوه‌ پێویست به‌باسكردن ناكات، كوردیش وه‌ك به‌شێكی‌ دانه‌بڕاوی‌ ئه‌م جیهانه‌

له‌گه‌ڵ بوونی‌ ئازادیدا رۆژ له‌دوای‌ رۆژ بایه‌خی‌ پتر به‌راگه‌یاندن ده‌دات، ئه‌وه‌تانێ‌ ژماره‌ی‌ كه‌ناڵه‌ ئاسمانیه‌ كوردیه‌كان، رۆژنامه‌‌و

گۆڤاره‌كان، سایت‌و رادیۆكان، تا دێت زیاتر ده‌بێت.

له‌م نێوه‌نده‌دا سایتى یه‌كێتى ژووره‌ بازرگانى پیشه‌سازیه‌كانى هه‌رێمى كوردستان وه‌ك بیرۆكه‌یه‌كی‌ خۆماڵی‌ هه‌ڵقه‌ڵاوی‌ نێو

جه‌رگه‌ی‌ شه‌قامی‌ كوردی‌ به‌له‌خۆگرتنی‌ كۆمه‌لێك هه‌وال و زانیارى له‌ باره‌ى ئابوورى كوردستان به‌تایبه‌تى و عێراق به‌ گشتى هاته‌

كایه‌وه‌ .یه‌كێتى ژووره‌ بازرگانى پیشه‌سازیه‌كانى هه‌رێمى كوردستان كه‌پێشتر ته‌نها گۆڤاره‌كه‌ی‌ له‌خۆده‌گرت به‌لام وه‌كو باسم كرد

له‌به‌ر ئه‌م پێشكه‌وتنه‌ بڕیارماندا به‌ كردنه‌وه‌ى ئه‌م سایته‌ قه‌شه‌نگه‌ .

سایتى یه‌كێتى ژووره‌ بازرگانى پیشه‌سازیه‌كانى هه‌رێمى كوردستان ماڵی‌ هه‌موو قه‌ڵه‌مێكی‌ ئازاده‌ كه‌ داهاتوویه‌كی‌ گه‌ش بۆ

ئابوورى كوردستان بخوازێت، وه‌ك بنه‌مای‌ كاركردنی‌ ستانده‌ر كورد ئه‌م بنه‌مایانه‌ ده‌خه‌ینه‌ روو:

بنه‌ماكانی‌ سایتى یه‌كێتى ژووره‌ بازرگانى پیشه‌سازیه‌كانى هه‌رێمى كوردستان.

هه‌ر ده‌زگا و ئه‌نسیتۆیه‌ك ئه‌گه‌ر كۆمه‌ڵێك بنه‌ما و ئامانجی‌ دیار نه‌بێ‌ زیاتر به‌لای‌ (عه‌به‌سی‌) ده‌چێ‌ و نازانرێ‌ له‌خزمه‌تی‌ كێ‌ ده‌بێ‌،

ڕه‌نگه‌ گه‌لێ‌ جار ئه‌رك و به‌رهه‌مه‌كانی‌ بچۆڕێته‌ ده‌ریای‌ ناحه‌زانی‌ میلله‌ته‌كه‌ی‌، بۆیه‌ لێره‌دا چه‌ند بنه‌مایه‌كمان داڕشتووه‌ تا ئه‌و وتار و

تێڕوانینه‌ی‌ تیایدا بڵاوده‌كرێته‌وه‌ پێی‌ له‌ ته‌رازوو بدرێت، به‌م شێوه‌یه‌ی‌ خواره‌وه‌:

1- راستكردنه‌وه‌ی‌ چه‌مك و تێگه‌یشتنه‌ چه‌وته‌كان:

هه‌ڵبه‌ته‌ له‌م سه‌رده‌مه‌ی‌ عه‌وله‌مه‌دا كه‌ناڵی‌ بیستن و بینین و خوێندنه‌وه‌ كۆنترۆڵ‌ ناكرێ‌ و فره‌ن، هه‌ریه‌كه‌ له‌م جیهانه‌دا به‌پێی‌

به‌رژه‌وه‌ندی‌ خۆی‌ بڵاوی‌ ده‌كاته‌وه‌، دیاره‌ ئه‌و به‌رژه‌وه‌ندیانه‌ش هه‌ریه‌كه‌ هه‌ڵقوڵاوی‌ جۆرێك له‌ زه‌مینه‌یه‌، له‌وانه‌ زه‌مینه‌و ئه‌جنه‌یه‌كی‌

ئابووری‌ مادی‌، یان نه‌ته‌وایه‌تی‌، یان شارستانی‌، یان ئاینی‌، یان كه‌لتووری‌، یان ئاسایشی‌.. كه‌ زۆربه‌ی‌ جار له‌گه‌ڵ‌ قۆناغی‌ ڕزگاری‌

میلله‌ته‌كه‌مان ناگونجێ‌، به‌و شێوه‌ كۆمه‌ڵێك بۆچوونی‌ بۆ په‌یدا ده‌كات، هه‌م به‌چه‌وتی‌ و هه‌م به‌پێچه‌وانه‌ی‌ به‌رژه‌وه‌ندی‌ میلله‌ته‌كه‌ش،

ئنجا به‌ دووباره‌بوونه‌وه‌و كه‌ڵه‌كه‌بوونی‌ وه‌ها ڕه‌وشێك له‌ كۆتاییدا ده‌بێته‌ هۆی‌ دروستبوونی‌ چه‌مك و زاراوه‌ی‌ وا به‌چه‌وتی‌ بخه‌مڵێ له‌

دڵ‌ و ده‌روونی‌ میلله‌ته‌كه‌مان، ئیتر میلله‌تێكی‌ چه‌واشه‌مان بۆ دروست ده‌كات، ڕه‌وشه‌نبیر و سیاسه‌تمه‌دار و توێژه‌ره‌وه‌ی‌

چه‌واشه‌شمان بۆ دروست ده‌كات.. ڕاستكردنه‌وه‌ی‌ ئه‌و چه‌مك و زانیاریانه‌ بۆ باری‌ دروستی‌ خۆی‌ ئه‌ركێكی‌ ڕاگه‌یاندنی‌ و

نیشتمانیشه‌ ئنجا ئه‌ركێكی‌ زانستیشه‌.

2- زیندووكردنه‌وه‌ی‌ به‌ها و نه‌گۆڕه‌كانی‌ ئابوورى ‌:

ده‌بێ‌ بزانین پێش ئه‌وه‌ی‌ یاسا جێگه‌ی‌ نه‌ریت بگرێته‌وه‌، ئه‌وا به‌ها باڵاكانی‌ میلله‌تانه‌ كۆمه‌ڵگه‌ی‌ به‌ سه‌لامه‌تی‌ گه‌یانده‌ عه‌وله‌مه‌و

ڕووناكی‌، میلله‌تی‌ ئێمه‌ش له‌و ڕووه‌ سه‌رمه‌شق بووه‌، هه‌ر ئه‌و فاكته‌ره‌ش بووه‌ ڕاگری‌ مانای‌ مرۆڤایه‌تی‌ و كۆڵه‌گه‌كانی‌ مانای‌

میلله‌تایه‌تی‌، بۆیه‌ دوژمنان و داگیركه‌رانی‌ له‌ هه‌وڵ‌ و ته‌قه‌لایه‌كی‌ بێوچان دابوون بۆ تێكڕوخانی‌ ئه‌و به‌ها ئه‌خلاقیانه‌ و ئابووریانه‌ ، كه‌

هه‌مو به‌ره‌كانی‌ كه‌لتوری‌ و فكری‌ و ئابووری‌ و كۆمه‌ڵایه‌تی‌ و زانیاری‌ و ڕاگه‌یاندنی‌ گرتۆته‌وه‌، چونكه‌ هه‌ر میلله‌تێك خاوه‌نی‌ ئه‌و به‌ها

ئه‌خلاقی و ئابووریانه‌ بێ‌ هه‌رگیز داگیرناكرێ‌، هه‌تا ئه‌گه‌ر خاكیشی‌ داگیر بكرێ‌، دڵی‌ داگیرناكرێ‌ و داگیركه‌ر تیایدا ناحه‌سێته‌وه‌.

به‌ڵام ئه‌گه‌ر ئه‌و ئه‌خلاقه‌ نه‌مێنێ‌، ئه‌وا هه‌م داگیر ده‌كرێ‌ و هه‌م ئه‌و میلله‌ته‌ ده‌شتوێته‌وه‌، هه‌روه‌ك له‌ ئه‌زموونی‌ ئیمپریالیزمی‌ و

داگیركاری‌ بینیومانه‌ چه‌ندین میلله‌ت به‌ته‌واوی‌ توایه‌وه‌، ئه‌و پلانه‌ مه‌زنه‌ ڕووی‌ له‌ كوردیش كردووه‌ به‌تایبه‌تی‌ له‌ سه‌رده‌می‌ (به‌عس)

به‌و ئامرازانه‌ی‌ سه‌روو و داڕووخانی‌ ژێرخانی‌ ئه‌و به‌ها ئه‌خلاقیانه‌ به‌هۆی‌ داڕووخنی‌ دێ‌ و شارۆچكه‌كان و كۆكردنه‌وه‌ی‌ له‌ ئۆردوگا..،

ئه‌وه‌ له‌لایه‌ك له‌لایه‌كی‌ تر هه‌موو ئه‌و دیارده‌ دزێوانه‌ی‌ له‌ كوردستان بڵاوبوه‌ته‌وه‌ و گه‌یشتۆته‌ گه‌نده‌ڵی‌ ئیداری‌ و سیاسی‌ و یاسای‌

حزبی‌ و نه‌ریتی‌ و به‌ترسناكی‌.. هه‌مووی‌ له‌وه‌وه‌ سه‌رچاوه‌ ده‌گرێ‌ و هه‌م چاره‌سه‌ریه‌كانیش لێره‌یه‌.
 
به‌رژه‌وه‌ندی‌ باڵای‌ كوردستان:

هه‌ڵبه‌ته‌ چه‌مكی‌ (كوردستان) مانایه‌كی‌ جوگرافی‌ فراوانتری‌ هه‌یه‌ له‌ چه‌مكی‌ (كورد)، واته‌ شوێنی‌ كورد و توركمان و ئاشوری‌ و عه‌ره‌ب..

هه‌رچی‌ له‌سه‌ر ئه‌و كوردستانه‌ بژی‌، به‌پێی‌ چه‌مكی‌ (هاووڵاتی‌)، به‌رژه‌وه‌ندی‌ باڵای‌ ئه‌و وڵاته‌ مانای‌ بنه‌ماكانی‌ ئاسایشی‌ نه‌ته‌وه‌یی‌

و مافی‌ چاره‌ی‌ خۆنووسی‌ و سه‌لماندنی‌ ره‌سه‌نایه‌تی‌ كوردستان وه‌ك زه‌مینه‌ی‌ مێژوویی‌ و سیاسی‌ و یاسایی‌ و.. بۆ بوونی‌ به‌

ده‌وڵه‌تێك شان به‌شانی‌ ده‌وڵه‌تانی‌ تری‌ ناوچه‌كه‌ و جیهان، داڕشتنی‌ كۆمه‌ڵێك بنه‌ما بۆ ئه‌و مه‌به‌سته‌ كه‌ تیایدا ئه‌و ئامانجه‌ بێته‌ دی‌،

ئه‌وه‌ش به‌رژه‌وه‌ندی‌ باڵای‌ كوردستانه‌، یان له‌ڕووی‌ یاسایی‌ پێی‌ ده‌وترێ‌ (ئاسایشی‌ نه‌ته‌وه‌یی‌) كه‌ له‌ جیهانی‌ سه‌رمه‌شقدا له‌گه‌ڵ‌

جیایی‌ ڕووكار و ئایدیۆلۆژی‌.. هه‌موو لایه‌ك له‌و پانتاییه‌ یه‌ك ده‌گرنه‌وه‌، كه‌چی‌ له‌ كوردستان كه‌متر ڕه‌چاوی‌ ئه‌و پانتاییه‌ كراوه‌، بۆیه‌

یه‌كێ‌ له‌ ئه‌ركه‌ بنچینه‌ییه‌كانمان دروستكردنی‌ ئه‌و پانتاییه‌ی‌ ئاسایشی‌ نه‌ته‌وه‌یی‌ تا هیچ لایه‌ك له‌ كوردستان نه‌ لێی‌ نامۆ بێ‌، نه‌ له‌

ئه‌رك و مافی‌ لێی‌ بێبه‌ش بێت و پاوانكردنی‌ تاقانه‌ بۆی‌ كۆتایی‌ بێت.

به‌و شێوه‌یه‌ به‌پێی‌ ئه‌و بنه‌ما سه‌ره‌كیانه‌،سایتى یه‌كێتى ژووره‌ بازرگانى پیشه‌سازیه‌كانى هه‌رێمى كوردستان ، سایتێكى ‌ لیبرالی‌

بێ‌ئامانج نیه‌، نایه‌وێ‌ به‌هۆی‌ ده‌نگوباسی‌ تێكده‌رانه‌ بازاڕی‌ خۆی‌ گه‌رم بكاو باجیش بۆ میلله‌ته‌كه‌مان و كێشه‌ ڕه‌واكه‌ی‌ بێت، به‌ڵكو له‌

ته‌قه‌لادا ده‌بێت بۆ راستكردنه‌وه‌ی‌ چه‌وتی‌ و ڕووناكی‌ خستنه‌ سه‌ر تاریكاییه‌كان تا زێڕ و ته‌نه‌كه‌ لێك جبابێته‌وه‌، هه‌رهه‌مووی‌ به‌

یه‌كسانی‌ و له‌شێوه‌ی‌ تارمایی‌ نه‌یه‌ته‌ به‌رچاوی‌ خوێنه‌ر، به‌ڵام ئه‌وه‌ پێدانی‌ كلیل نیه‌ بۆ هیچ ده‌روازه‌و هۆڵێك، به‌ڵكو ڕووناك كردنه‌وه‌ی‌

ده‌رگاكانه‌ تا هه‌ركه‌سه‌ بتوانێ‌ ئه‌و هۆڵه‌ هه‌ڵبژێرێ‌ كه‌ خۆی‌ ده‌یه‌وێ‌ نه‌ك به‌ چه‌واشه‌ به‌سه‌ریدا بكه‌وێ‌، تا میلله‌تێكی‌ ڕه‌وشه‌نبیر

دروست بكه‌ین به‌ هه‌مولایه‌ك به‌ پرۆگرامێكی‌ ڕاگه‌یاندنی‌ زیندووی‌ ئامانجدار، تا میلله‌ته‌كه‌مان و ڕه‌وشه‌نبیرانیش له‌ ده‌ردی‌ (لاسایی‌ و

ڕه‌دووكه‌وتن) ده‌رباز بن، خۆیان خاوه‌نی‌ به‌رهه‌می‌ فكری‌ و ئایدیۆلۆژی‌ و زانست و زانیاری‌ وابن له‌دوا ته‌پ و تۆزی‌ ڕه‌وتی‌ جیهان نه‌بن

به‌ڵكو پێشڕه‌و بن، با ئێمه‌ش ئه‌ركی‌ مرۆڤایه‌تی‌ خۆمان ببینین و له‌و عه‌وله‌مه‌ خانه‌ و ناسنامه‌ی‌ خۆمان هه‌بێ‌، ده‌با زانا و فه‌یله‌سوف

و توێژه‌ره‌وه‌ی‌ وا دروست بكه‌ین له‌سه‌ر ئاستی‌ جیهان ئاماژه‌ی‌ پێبكرێ‌.

به‌و ئاسۆیانه‌ی‌ سه‌ره‌وه‌ وتار و توێژینه‌وه‌‌و بابه‌ت بۆ سایته‌كه‌مان بنێرن، ئه‌و ئاڕاسته‌یه‌ زاڵ‌ بكه‌ن و ماناكانی‌ ئابوورى به‌و بنه‌ماو

ئامانجانه‌ ئاوه‌زێڕ بكه‌ن، ئه‌وانه‌ مه‌رج نین به‌ڵكو بنچینه‌ی‌ ئه‌كادیمیه‌ بۆ وه‌رگێڕانی‌ میلله‌ت له‌ داڕووخان به‌ره‌و بیناكردنه‌وه‌ی‌.